فضل سايق شوية، وبعدين دخل شارع جانبي. العربية الرمادي دخلت ورانا. محمد زود السرعة. العربية زودت. قلبي بدأ يخبط. قلت: "محمد، اعمل حاجة." قال: "أنا هروح على مكان فيه ناس." لف ناحية الطريق الرئيسي. وفجأة العربية الرمادي سبقتنا. وقفت قدامنا. محمد ضغط فرامل. العربية وقفت. باب العربية الرمادي اتفتح.
ونزل منه راجل. أنا ما كنتش أعرفه. لكن محمد أول ما شافه، وشه اتغير. قال بصوت منخفض: "ده مش سامح." قلت: "أمال مين؟" محمد ما ردش. الراجل قرب من العربية. خبط على الشباك. وبص ناحيتي مباشرة. وقال: "مدام سناء... لو سمحتي انزلي." أنا مسكت إيد بنتي. محمد قفل الأبواب.
الراجل قال: "أنا مش جاي أأذيكي." قلت: "أمال جاي تعمل إيه؟" قال: "جاي آخد منك الدفتر." أنا قربته من صدري. محمد قال: "مش هتاخده." الراجل بص له. "إنت مش فاهم يا محمد." محمد رد: "أنا فاهم أكتر منك.
" الراجل سكت. وبعدين قال جملة خلتني أبص لمحمد بصدمة: "لو الدفتر فضل معاها، هي هتكتشف مين اللي قـ,ـتل جوزها." أنا حسيت إن نفسي اتقطع. منه شهقت. ومحمد لأول مرة ما عرفش يرد. الراجل كمل: "والأسوأ... إنها هتكتشف إن الشخص ده كان موجود في بيتها ليلة وفـ,ـاة جوزها.
" أنا فتحت عيني على آخرها. لأن اللي قاله ما كانش مجرد تهديد. كان بيقول حاجة أنا عمري ما حكيتها لحد. ليلة وفـ,ـاة جوزي...كان فيه شخص فعلًا في بيتي. شخص أنا بنفسي فتحت له الباب.
وشخص كنت فاكرة وقتها إنه جاي يساعدني. لكن لما الراجل قال اسمه...إيدي ارتعشت. والدفتر وقع من حضني. لأن الاسم اللي نطق بيه...كان اسم أقرب شخص ليا بعد وفـ,ـاة جوزي.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.