قالت
أنا ما كنتش عارفة إنه هي. ك
بسمة مسكت إيد أمها
إنت بتقولي إيه يا أمي
عفاف بدأت تعيط وقالت
أنا ما كنتش عارفة إنهم هيعملوا كده أنا كنت فاكرة إنهم عايزين يخوفوه بس
عاصم صوته بقى حاد
مين هم
عفاف هزت راسها وهي بتبكي
ما أقدرش أقول
بسمة قربت منها وقالت
أخويا مات يا أمي ومحدش عرف الحقيقة لحد دلوقتي إنت خايفة من إيه أكتر من كده
عفاف بصت لبنتها فترة طويلة وبعدها قالت
أنا خايفة عليك إنت كمان
عاصم قال
لو فضلتي ساكتة الناس اللي .وا محمود هيفضلوا أحرار وممكن يرجعوا يأذوا بسمة
عفاف رفعت عينيها له وقالت
إنت فاكر إنك الوحيد اللي اتأذى يا عاصم الجارحي
سكت
كملت وهي بتمسح دموعها
ابني مات وبنتي عاشت سنتين وهي بتدور على الحقيقة وأنا كل يوم بصحى خايفة حد ييجي ياخدها مني زي ما أخدوا أخوها
بسمة كانت بتعيط بصمت
عفاف مدت إيدها تحت المرتبة وطلعت ظرف قديم ملفوف في قطعة قماش
حطته في إيد بنتها وقالت
ده اللي محمود سابهولي قبل ما يمــ,,ـــــوت
بسمة فتحت الظرف بإيد بتترعش ولقت صورة قديمة لمجموعة رجالة واقفين قدام مخزن الشركة
كان محمود واقف في طرف الصورة
وعاصم واقف في النص
وخالد واقف جنبه
وفؤاد السيوفي واقف في الخلف
لكن الشخص اللي شد انتباه بسمة ما كانش أي واحد منهم
كان رجل تاني واقف بعيد عنهم ولابس ساعة كبيرة عليها نفس العلامة المحفورة على الميدالية
عاصم بص للصورة وشه اتغير
قال
الراجل ده اسمه شريف منصور
بسمة سألت
مين ده
عاصم رد
كان مسؤول الأمن الداخلي في الشركة قبل الدــ,,ـــــادث بشهرين وبعدها اختفى من غير ما حد يعرف راح فين
عفاف مسكت إيد بنتها وقالت
محمود قال لي إن شريف هو اللي اكتشف إن في ناس بتسرق الشحنات وإنه كان ناوي يسلّم كل الأدلة لعاصم لكن قبل ما يقابله ات.
عاصم قال
إنت قلتي إنك اتصلتي برجب العطار ليلة الدــ,,ـــــادث
عفاف نزلت عينيها
أيوه
بسمة همست
ليه يا أمي
عفاف أخدت نفس طويل وقالت
لأن رجب كان بيهدد محمود وبيقول لي لو ما سلمتش له الورق اللي معايا هيخلي ابني يختفي للأبد أنا كنت مرعوبة واتصلت بيه عشان أرجوه يسيبه في حاله وما كنتش أعرف إنه رايح يضــ,,ـــــرب عاصم بالنــ,,ـــــار
عاصم فضل ساكت وهو بيحاول يربط الأحداث ببعضها
سألها
إيه الورق اللي كان معاكي
عفاف أشارت للظرف
كل اللي عندي في الصورة والرسالة اللي كتبها محمود
بسمة طلعت الورقة القديمة من شنطتها وحطتها جنب الصورة
عفاف أول ما شافتها غطت بقها بإيدها
قالت
إنت جبت الورقة دي منين
بسمة ردت
عاصم اداهالي
عفاف بصت له بخوف وقالت
يبقى هو عرف
عاصم قال
عرفت إيه
عفاف سكتت لحظة وبعدها قالت
اللي . محمود مش رجب لوحده
في اللحظة دي سمعوا صوت حركة سريعة برا الأوضة وبعدها صوت الممرضة وهي بتقول لحد إن الزيارة ممنوعة
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.