قفلت باب الأوضة عليها وحطت المكتب الصغير قدامه
كانت بتترعش لكنها حاولت تفتكر كل تفاصيل المكان
فيه شباك صغير بيطل على الحوش الخلفي
فتحته بصعوبة وبدأت تحاول تنزل لكن صوت راجل جه من وراها
خلي اللي في إيدك وانزلي بهدوء
لفت وشافت راجل لابس جاكت أسود ووشه مغطى جزئياً
قالت
إنت عايز إيه
رد
الدفتر والمفتاح
قالت
مش هديك حاجة
قرب منها خطوة
أنا مش جاي أ. ك لكن لو اضطريت هعمل اللي لازم أعمله
بسمة رفعت التليفون قدام وشه وقالت
عاصم في الطريق ولو قربت مني هيسمع كل كلمة
الراجل ضحك بسخرية
عاصم مش هيقدر يحميكي من اللي جاي
وقبل ما يقرب أكتر اتسمع صوت عربية بتقف قدام البيت وصوت رجالة بتتحرك بسرعة
الراجل لف ناحية الباب للحظة وبسمة استغلت الفرصة وخرجت من الشباك ونزلت للحوش
جريت ناحية البوابة الخلفية لكن أول ما خرجت لقت واحد من الحراس واقع على الأرض والتاني بيحاول يمنع راجل تالت من الاقتراب
بسمة صرخت
خدوا الورق
الراجل التالت اندفع ناحيتها لكنها بعدت عنه ووقعت على الأرض والدفتر اتفتح والورق اتناثر
في نفس اللحظة وصلت عربية عاصم
باب العربية اتفتح وخالد نزل بسرعة ومعاه اتنين من رجاله
عاصم كان وراه بيحاول يوجه كرسيه ناحية البوابة
خالد صرخ في الرجالة
سيطروا على المكان وما حدش يسيب حد يهرب
حصلت فوضى لثواني قليلة وبعدها الراجل اللي كان بيحاول ياخد الدفتر اتقبــ,,ـــــض عليه بينما الشخص اللي دخل البيت من الباب الأمامي قدر يهرب من ناحية الشارع الخلفي
بسمة كانت قاعدة على الأرض وبتلم الورق بإيد بتترعش
عاصم قرب منها وقال
إنت كويسة
هزت راسها لكنها ما قدرتش تتكلم
بص للورق اللي في إيدها وشاف اسم خالد مكتوب في آخر صفحة
خالد قرب منهم وقال
الحمد لله إنك بخير يا باشا
عاصم رفع عينيه له ببطء
وبعدين بص للورقة تاني
وقال بصوت هادي أخطر من الصراخ
خالد إنت كنت تعرف إن اسمك موجود هنا
خالد اتجمد مكانه
قال بسرعة
مش فاهم يا باشا
عاصم مد له الورقة
اقرا
خالد خدها وبص فيها ووشه اتغير
بسمة رفعت راسها وقالت
إنت كنت بتساعدهم
خالد رد بعصبية
أنا ما ساعدتش حد الورقة دي ممكن تكون مزورة
عاصم قال
هنعرف إذا كانت مزورة ولا لأ
خالد قرب منه وقال بصوت واطي
يا باشا إحنا واقفين في الشارع والناس دي ممكن ترجع لازم نطلع من هنا الأول
عاصم ما شالش عينيه من عليه
إنت هتطلع معانا لكن من اللحظة دي ما تلمسش أي ورقة تخص القضية وما تكلمش أي حد من رجالتك من غير ما أعرف
خالد بص له بصدمة
إنت بتشك فيا
عاصم رد
أنا ما بقيتش بثق في حد غير الأدلة
رجعوا القصر والدفتر اتحط في خزنة خاصة جوه مكتب عاصم
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.