في خبر عاجل فؤاد اتنقل للمستشفى بعد ما حاولوا ينقلوه من مكان احتجازه وهو دلوقتي في حالة حرجة
بسمة اتفاجئت
مين حاول ينقله
شريف رد
ما نعرفش لكن في شاهد قال إن عربية تابعة لشركة قديمة كانت واقفة قريب من المكان قبل الدــ,,ـــــادث
عاصم بص للملفات اللي في إيده
وبعدين قال
سليم عايز يمسح كل أثر
تحركوا ناحية الفيلا لكنهم وصلوا ولقوا المكان مقفول والأنوار مطفية
الحارس اللي على البوابة قال إن سليم سافر من يومين وإنه ما يعرفش راح فين
عاصم سأله
سافر على فين
الحارس رد
ما قالش
عاصم طلب من المحامي يراجع سجلات السفر والتحويلات المالية وقرر يرجع القصر
في الطريق بسمة كانت ساكتة
عاصم لاحظ إنها بتبص للورقة اللي عليها اسم سليم
سألها
بتفكري في إيه
قالت
بفكر في أخويا كان عارف إن في ناس كتير بتسرق وبتكذب ومع ذلك ما استسلمش
عاصم رد
وأنا بفكر إزاي عشت سنين وسط ناس كنت فاكر إني أعرفهم وما شفتش الحقيقة
بسمة قالت
يمكن لأنك كنت بتبص لهم من فوق ومحدش كان بيجرؤ يقول لك إنك غلطان
عاصم ابتسم ابتسامة حزينة
يمكن
وصلوا القصر قبل منتصف الليل
عاصم دخل مكتبه وفتح خطاب عمه مرة تانية
كان فيه ملحق صغير ما لاحظوش في المرة الأولى
الملحق مكتوب فيه
لو سليم اختفى بعد ظهور الأدلة دور على الحساب اللي اتفتح باسم محمود إبراهيم لأن فيه تحويل أخير يثبت إن شخصاً من العائلة حاول يساعده
عاصم اتصل بالمحامي وطلب منه يراجع الحساب مرة تانية
بعد ساعة رجع الرد
التحويل الأخير اللي وصل حساب محمود بعد وفاته كان جاي من حساب باسم حسن الجارحي
عاصم فضل باصص للتقرير
يعني عمه كان بيحاول يساعد محمود
وممكن يكون هو اللي بعت التحذير قبل الدــ,,ـــــادث
لكن ليه ما وصلش لعاصم مباشرة
شريف قال
يمكن لأنه ما كانش واثق في اللي حواليك وكان خايف إن الرسالة تقع في إيد فؤاد
عاصم رد
بس عمي مات قبل الدــ,,ـــــادث بست شهور
شريف أومأ
وده معناه إن الخطة كانت موجودة من قبلها بوقت طويل
بسمة بصت لهم وقالت
يبقى لازم نعرف سليم فين
في صباح اليوم التالي وصل للمحامي بريد إلكتروني من عنوان مجهول فيه ملف صوتي قصير
عاصم طلب تشغيله
الصوت كان صوت حسن الجارحي
لو التسجيل ده وصل لكم يبقى أنا ما قدرتش أوصل للحقيقة بنفسي الشخص اللي بيدير الحسابات السرية اسمه سليم وهو بيستخدم اسم فؤاد عشان يخفي أثره لكن فؤاد نفسه مش صاحب القرار النهائي في كل العمليات فيه شخص تالت بيمول كل ده من بره الشركة
وبعدين انقطع التسجيل
عاصم وقف التسجيل وأعاده مرة تانية
بسمة قالت
يعني في حد تالت
شريف رد
أيوه والاسم لسه مجهول
عاصم قفل الجهاز وقال
مش هنسيب الموضوع مفتوح
لكن قبل ما يقدروا يبدأوا البحث وصل اتصال من المستشفى
فؤاد فاق من الغيبوبة وطلب يتكلم مع عاصم وحده
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.