يعني الراجل عايش
قال خالد
أيوه يا باشا
عاصم رفع عينيه وقال
وعرفتوا مكانه
خالد تردد
عرفناه لكن في مشكلة
عاصم قال
قول
خالد رد
المكان اللي بيستخبى فيه تابع لشركة فؤاد السيوفي
ساد الصمت في المكتب
عاصم بص للصورة وبعدين للملف الأسود
كل الطرق كانت بتوصل لفؤاد
الرجل اللي كان ماسك الحسابات
والرجل اللي اختفى بعد الدــ,,ـــــادث
والرجل اللي اسمه ظهر في كل عمليات الشحن المشبوهة
قال عاصم
جهز العربية
خالد قرب منه بسرعة
يا باشا إنت مش هتقدر تروح بنفسك
عاصم بص له نظرة باردة
أنا ما قلتلكش رأيك
خالد قال
أنا خايف عليك
عاصم رد
أنا قضيت سنتين قاعد في القصر ده عشان الكل خايف عليا كفاية
خالد سكت
عاصم كمل
هنروح للمخزن بس مش هنعمل أي حركة من غير ما أعرف مين موجود هناك عايز رجالة تراقب المكان من بعيد ومحدش يضــ,,ـــــرب نــ,,ـــــار ومحدش يقرب من رجب قبل ما نتكلم معاه
خالد هز راسه
حاضر يا باشا
لكن قبل ما يخرج عاصم ناداه
خالد
وقف
قال عاصم
من إمتى وإنت عارف إن رجب ممكن يكون عايش
خالد اتجمد للحظة قصيرة لكنها كانت كفاية
رد بسرعة
من ساعة ما وصلنا الخبر يا باشا
عاصم فضل باصص له
خالد كمل
والله ما كنت أعرف قبل كده
عاصم قال
أتمنى تكون بتقول الحقيقة
خرج خالد وهو بيحاول يخفي التوتر اللي ظهر على وشه
في نفس الوقت كانت بسمة في غرفة الغسيل بتقرا الورقة اللي أخدتها من عاصم للمرة العاشرة
لكنها ما قدرتش تركز في الكلام
لأنها شافت حاجة في آخر الصفحة ما لاحظتهاش أول مرة
علامة صغيرة مرسومة بالقلم جنب توقيع أخوها
دايرة جواها خطين متقاطعين
نفس العلامة اللي كانت محفورة على ميدالية قديمة احتفظت بيها أمها من يوم وفــ,,ـــــاه محمود
بسمة طلعت الميدالية من شنطتها وبصت للعلامة
وبعدين قلبت الورقة وشافت سطر صغير مكتوب بقلم مختلف عن خط أخوها
المفتاح عند صاحبة الشهادة
قلبها بدأ يدق بسرعة
صاحبة الشهادة
مين صاحبة الشهادة
وأي مفتاح
قبل ما تفكر أكتر سمعت صوت مدام نادية بتنادي عليها من الطرقة
بسمة خبّت الورقة والميدالية في شنطتها وخرجت
مدام نادية قالت
عاصم بيه طلبك في المكتب
بسمة بصت لها باستغراب
دلوقتي
قالت
أيوه بس المرة دي طلب مني أقولك إنك مش رايحة عشان شغل
بسمة حسيت بالخوف
دخلت المكتب ولقت عاصم مستنيها وخالد واقف بعيد عن المكتب
عاصم قال
عايزك تيجي معايا مشوار
بسمة ردت بسرعة
أنا ما ينفعش أخرج من الشغل
قال
هترجعي قبل نهاية ورديتك
سألته
فين
قال
دار الرعاية
بسمة اتفاجئت
ليه
عاصم رد
لأن أمك ممكن تكون عارفة حاجة إحنا محتاجين نعرفها
بسمة شدّت شنطتها لصدـ,,ـــرها
أمي مالهاش دعوة بمشاكلك
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.