قالت
لأ
سألها
ليه
ردت
عشان الرسالة قالت لي ما أفتحوش
عاصم فضل باصص لها ثواني وبعدين قال
وإنت صدقتي الرسالة
قالت
ما صدقتهاش بالكامل بس خفت أعمل حاجة تضيّع عليا فرصة أعرف الحقيقة
سكت عاصم فترة طويلة وبعدها فتح درج تاني وطلع منه ورقة قديمة
حطها قدامها وقال
ده آخر تقرير كتبه أخوكي قبل ما يمــ,,ـــــوت
بسمة قربت الورقة بإيد بتترعش وبدأت تقرا
كان محمود كاتب إن في شحنات بتخرج من المخزن من غير تسجيل وإن في حد بيستخدم توقيعات مزورة عشان يخفي البضاعة وإنه اكتشف إن واحد من المسؤولين بيحول الفلوس لحسابات مش باسم الشركة
وفي آخر الورقة كتب جملة واحدة
لو حصلي حاجة أمي وبسمة مالهمش ذنب
بسمة حطت إيدها على بقها ودموعها نزلت من غير ما تحس
كانت دي خط إيد أخوها
نفس الحروف ونفس طريقة كتابة اسمه في آخر الصفحة
قالت بصوت مكسور
هو كان خايف علينا
عاصم رد بهدوء
أيوه
رفعت عينيها له وقالت
وإنت كنت صاحب الشركة
قال
أيوه
قالت
يعني أخويا مات وهو بيحاول يحمي شغلك وإنت ما عرفتش تحميه
الجملة كانت قاسية لكنه ما ردش بغضب
بص للورقة وقال
عندك حق
بسمة سكتت من المفاجأة
كانت مستعدة إنه يزعق ويهددها ويطردها لكنها ما كانتش مستعدة إنه يعترف
عاصم كمل
أنا ما كنتش أعرف إن أخوكي وصل للمعلومات دي غير بعد إصابتي بفترة طويلة ولو كنت عرفت وقتها كنت هحميه
بسمة مسحت دموعها وقالت
بس إنت ما تعرفش مين اللي .ه
قال
عشان كده هنعرف
هزت راسها
أنا مش عايزة فلوس ولا تعويض أنا عايزة أعرف الحقيقة
قال
وهتعرفيها
في اللحظة دي الباب اتفتح فجأة ودخل خالد من غير ما يخبط
أول ما شاف الورقة قدام بسمة وقف مكانه
عاصم رفع عينيه له وقال ببرود
إنت دخلت من غير إذن ليه
خالد حاول يستعيد هدوءه
في خبر مهم يا باشا لازم أقولك عليه حالاً
عاصم أشار له ناحية الباب
استنى بره
خالد بص لبسمة نظرة سريعة قبل ما يخرج
بسمة لاحظت النظرة
وعاصم لاحظ إنها لاحظتها
قال لها
خدي الورقة دي وخليها معاكي
قالت
ليه
رد
لأنها تخص أخوكي ومن حقك تحتفظي بيها
مسكت الورقة بحذر كأنها خايفة تختفي من إيديها
وقبل ما تقوم سألته
هو خالد له علاقة بمــ,,ـــــوت أخويا
عاصم بص لها من غير ما يرد
كان السؤال اللي هو نفسه بدأ يخاف من إجابته
بعد ما بسمة خرجت نادى خالد
دخل خالد وقفل الباب ووقف قدام المكتب
عاصم قال
إيه الخبر المهم
خالد حط صورة على المكتب
الصورة كانت لراجل واقف قدام بوابة مخزن قديم ولابس جاكت غامق ووشه ظاهر بشكل واضح
عاصم عرفه في ثانية
رجب العطار
الراجل اللي اختفى بعد محاولة اغتياله
قال عاصم
الصورة دي منين
خالد رد
اتصورت من كام يوم قدام مخزن مهجور في أطراف القاهرة واحد من رجالتنا شافه واتبعه من بعيد
عاصم شد على مسند الكرسي
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.