وفي يوم لاحظها وهي بتحط البطانية على ظهر الكرسي بدل ما تغطي رجليه
قال لها
إنت بطلتِ تخافي إني أزعل لو حد لمس حاجتي
ردت وهي بتعدل البطانية
أنا لسه بخاف أحياناً بس بقيت أعرف إمتى بتكون عصبي وإمتى بتكون تعبان
ابتسم وقال
وإيه الفرق
قالت
العصبية بتروح لما تسيب الناس تتكلم والتعب بيحتاج إنك تعترف إنك محتاج مساعدة
بص لها طويلاً وبعدين قال
إنت بتتكلمي كأنك دكتورة
ضحكت وقالت
لا يا بيه أنا بس اتعلمت من الناس اللي بتتعامل معاهم
وبعدين كملت شغلها
عاصم فضل مبتسم بعد ما خرجت
لكن الهدوء ما استمرش طويلاً
بعد شهر تقريباً وصلت رسالة من المحامي بتاع الشركة فيها مستندات جديدة ظهرت أثناء مراجعة الحسابات
المستندات كانت تخص حساباً بنكياً باسم شخص متوفى
محمود إبراهيم
عاصم طلب مراجعة الحساب فوراً
اتضح إن محمود كان عنده حساب سري اتفتح قبل وفاته بشهرين وإن فيه تحويلات صغيرة كانت بتدخل الحساب بانتظام
التحويلات ما كانتش من فؤاد
كانت من شخص مجهول
وفي آخر كشف حساب ظهر تحويل أخير تم بعد وفــ,,ـــــاه محمود بأسبوع
المبلغ كان صغيراً لكنه كان مصحوباً بملاحظة مكتوبة
الأمانة وصلت
عاصم طلب من بسمة تيجي مكتبه
لما دخلت حط قدامها كشف الحساب وقال
إنت تعرفي حاجة عن حساب أخوكي ده
بصت للأوراق بدهشة
لأ أول مرة أشوفه
عاصم قال
في تحويل اتعمل بعد مــ,,ـــــوته بأسبوع والملاحظة المكتوبة بتقول الأمانة وصلت
بسمة قربت الورقة وبدأت تقرا الأرقام
وبعدين رفعت عينيها وقالت
يمكن يكون هو اللي بعت لي الرسالة المجهولة
عاصم رد
ممكن لكن الحساب لازم يتراجع بالكامل
بسمة فضلت ساكتة وهي بتفكر
وفجأة افتكرت إن محمود قبل مــ,,ـــــوته بأيام طلب منها تحتفظ بظرف صغير وقال لها لو حصل له أي حاجة ما تفتحوش إلا لما أمها تكون مستعدة تسمع الحقيقة
هي كانت حطت الظرف في صندوق قديم عند أمها ونسيت وجوده وسط كل اللي حصل
قامت بسرعة وقالت
أنا لازم أروح لأمي
عاصم سألها
في حاجة افتكرتيها
قالت
في ظرف قديم محمود سابهولي قبل ما يمــ,,ـــــوت
عاصم قال
هروح معاكي
بسمة ردت
المرة دي أنا هروح لوحدي وأرجع لك لو لقيت حاجة مهمة
عاصم وافق
بعد ساعتين رجعت بسمة القصر ومعاها ظرف أصفر قديم
دخلت المكتب وحطته قدام عاصم
قالت
أمي كانت مخبياه في صندوق هدوم قديمة وكانت ناسية مكانه من كتر ما نقلنا حاجتنا
عاصم فتح الظرف بحذر
جواه ورقة واحدة مكتوبة بخط محمود
أختي بسمة لو وصل لك الظرف ده يبقى أنا ما قدرتش أرجع لك زي ما وعدتك أنا ما كنتش شغال لوحدي في كشف السرقة وكان في شخص بيساعدني من جوه الشركة شخص أنا ما أقدرش أذكر اسمه في الورق عشان حياته هتبقى في خطر لكن لو وصلت للحقيقة افتكري إن مش كل اللي سكت كان خاين وفي ناس اتمنعت من الكلام عشان تحمي ناس تانية
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.