هتروحي مع اتنين من الحراسة وأنا هفضل على اتصال بيكي
بسمة اعترضت
مش عايزة حد يدخل البيت ويفتش ورايا
قال
مش هيدخلوا غير لو حصل خطر
بصت له وقالت
وعد
عاصم مد إيده
وعد
كانت أول مرة تصافحه فيها من غير خوف
في الليلة نفسها اتحركت العربية ناحية البيت القديم في شارع هادي على أطراف المدينة
بسمة كانت قاعدة جنب الشباك وبتفتكر أيام ما كانت بتعيش هناك مع أمها ومحمود
كان البيت صغير لكنه مليان ذكريات
محمود كان بيحب يصلح الأجهزة القديمة وكان عنده صندوق خشب صغير بيخبي فيه مفكات ومسامير وحاجات كان بيقول عليها كنوزه
لما وصلوا نزلت من العربية وطلبت من الحارسين يفضلوا عند البوابة
فتحت الباب بالمفتاح القديم ودخلت
ريحة التراب والرطوبة كانت مالية المكان
النور ما كانش شغال ففتحت كشاف الموبايل ومشت ناحية أوضة محمود
كل حاجة كانت في مكانها تقريباً السر,,ـــــير الصغير والمكتب والرف اللي عليه كتب قديمة
قعدت على الأرض قدام الصندوق الخشب وفتحته
كان مليان حاجات بسيطة
مفك صغير
ساعة بايظة
صور قديمة
ومفتاح نحاس صغير مربوط بخيط أزرق
بسمة مسكت المفتاح وافتكرت كلام أمها
لو حد سألك عن المفتاح قولي إنك ما تعرفيش حاجة
قلبها بدأ يدق بسرعة
المفتاح كان موجود في الصندوق طول الوقت لكنها ما كانتش تعرف إنه مهم
رفعت الصندوق وبدأت تفحص الأرضية تحته
لاحظت إن لوح الخشب اللي تحت المكتب بيتحرك
شالته بحذر وظهر تجويف صغير في الأرض
جواه ظرف بلاستيك ملفوف كويس ودفتر صغير
فتحت الدفتر ولقت أسماء شركات وأرقام شحنات وتواريخ تحويلات مالية
وفي آخر صفحة لقت اسم فؤاد السيوفي مكتوب تحته مبلغ كبير وتوقيع خالد
بسمة شهقت وحست إن الدنيا بتلف بيها
قبل ما تقدر تقرا باقي الورق سمعت صوت خبطة قوية على الباب
اتجمدت مكانها
سمعت صوت راجل بيقول
افتحي يا بسمة إحنا عارفين إنك جوه
مسكت التليفون بسرعة واتصلت بعاصم
رد من أول رنة
بسمة إنت فين
همست
في البيت القديم في ناس بره
عاصم صوته اتغير
إنت لوحدك
قالت
الحراس بره عند البوابة بس في حد بيخبط على الباب الرئيسي
عاصم قال
ما تفتحيش لأي حد أنا في الطريق
بسمة بصت للباب وحست إن صوت الخبط بيقرب
الراجل بره قال
إحنا مش جايين نأذيكي إحنا عايزين الورق اللي معاكي
بسمة مسكت الدفتر وضمته لصدـ,,ـــرها
مين إنت
رد
ناس تعرف أخوكي كويس
قالت
لو تعرفوا أخويا كنتوا عرفتوا إنه ما كانش بيخاف منكم
في اللحظة دي سمعت صوت الحارس من بره وهو بيصرخ
ارجع لورا
وبعدها صوت تدافع قوي
بسمة جريت ناحية الباب الخلفي وهي ماسكة الدفتر والظرف والمفتاح
لكن قبل ما توصل سمعت صوت تكسير زجاج في الصالة
دخل حد البيت
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.