فضلت باصص للتليفون بعد ما خالد قال الجملة دي وحسيت إن السنتين اللي فاتوا رجعوا فوق صدـ,,ـــري مرة واحدة نفس الليلة نفس صوت الرصاص نفس الدم اللي غرق هدومي ونفس الوش اللي اختفى وسط الضلمة قبل ما رجالي يوصلوا لي
قلت لخالد بصوت واطي
إنت متأكد من الكلام ده
قال
مش هقولك حاجة زي دي من غير ما أكون متأكد يا باشا أنا فاكر الاسم كويس لأننا وقتها كنا بندور على أي حد اتواصل مع الراجل اللي ضــ,,ـــــرب النــ,,ـــــار والاسم ظهر في سجل مكالماته قبل الدــ,,ـــــادث بساعتين
سألته
وإنت مخبي عني المعلومة دي ليه سنتين
رد بسرعة
أنا ماخبيتش عليك حاجة التحقيق وقتها وصل إن الست دي كانت بتشتغل في شركة نظافة متعاقدة مع المخزن القديم اللي حصل فيه الاجتماع وإنها اتصلت بالراجل بسبب موضوع يخص ابنها اللي كان بيشتغل هناك وبعد الدــ,,ـــــادث اختفت من كل السجلات اللي قدرنا نوصل لها
قلت له
اسم ابنها إيه
قال
محمود إبراهيم كان مسؤول مخزن مؤقت واتوفى بعد الدــ,,ـــــادث بشهر في دــ,,ـــــادث عربية على الطريق الزراعي
سكت شوية وبعدين كمل
يا باشا في حاجة تانية لازم تعرفها
قلت بحدة
قول
قال
قبل ما محمود يمــ,,ـــــوت بيومين كان باعت جواب للمحاسب القديم بتاع الشركة بيقول فيه إنه اكتشف تلاعب في سجلات الشحن وإنه خايف على أمه وأخته لو اتكلم
بصيت لبسمة اللي كانت لسه نايمة على الأرض وقلبي بدأ يدق بعنــ,,ـــــف
أختها
قال خالد
أيوه يا باشا بسمة إبراهيم
حسيت إن الأوضة ضاقت بيا
بسمة كانت بنت الراجل اللي اكتشف التلاعب في شحناتي وكانت بنت الست اللي اتصلت بالقاتل قبل ما يضــ,,ـــــربني بالنــ,,ـــــار
وفي نفس الوقت كانت نايمة عند رجلي من التعب وما تعرفش إني ماسك ورقة ممكن تقلب حياتها كلها
قلت لخالد
ما حدش يقرب منها وما حدش يراقبها بطريقة تخوفها عايز ملف عفاف كامل وملف محمود وكل ورقة تخص المخزن القديم تتجاب لي قبل الفجر
قال
حاضر يا باشا
قفلت المكالمة ورجعت بصيت لبسمة
كان ممكن أصحيها وأحط الورقة قدامها وأسألها عن كل حاجة لكني ما عملتش كده مش لأن قلبي رق لها ولا لأنني صدقتها لكن لأن في حاجة جوايا قالت إن البنت دي لو كانت جاية تأذيني ما كانتش فضلت ساعتين نايمة على الأرض وهي بتحاول تدفيني
مديت إيدي وسحبت البطانية من بين صوابعها بحذر وحطيتها على كتفها بدل ما تفضل ممدودة على رجلي
بسمة اتحركت وهي نايمة وفتحت عينيها فجأة
أول ما شافتني قدامها قامت بسرعة وخبطت ركبتها في طرف المكتب
آسفة يا بيه والله ما حسيت بنفسي أنا كنت هخلص التنضيف بس تعبت دقيقة وغفلت
قالت الكلام وهي بتحاول تلم الغسيل اللي وقع من السلة ووشها احمر من الإحراج
بصيت لها وقلت
إنت بتنامي كام ساعة في اليوم
رفعت راسها باستغراب
نعم
كررت سؤالي
بتنامي كام ساعة
قالت
على حسب الشغل
قلت
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.