بسمة قعدت في الصالة وهي بتبص لإيديها المجروحة من الزجاج
مدام نادية جابت لها مطهر وشاش وقعدت تنظف الجرح
قالت لها بحنان
يا بنتي إنت كنت هتمــ,,ـــــوتي نفسك عشان ورق
بسمة ردت وهي بتبص للدفتر من بعيد
مش ورق يا مدام نادية ده آخر حاجة سابها أخويا
مدام نادية مسحت على كتفها
ربنا يرحمه ويجيب حقه
في اللحظة دي عاصم خرج من المكتب ووقف قدام بسمة
قال
عايزك تسمعيني كويس اللي حصل النهارده معناه إن في حد عارف إنك وصلتي للأدلة وإنه مستعد يدخل بيتك عشان ياخدها
بسمة قالت
يعني أنا وأمي في خطر
عاصم رد
أيوه وعشان كده أمك هتنتقل لمكان آمن مؤقتاً لحد ما نعرف مين ورا الموضوع
بسمة قامت بسرعة
أنا مش هسيب أمي في مكان تاني من غير ما أعرف هي فين
قال
هتعرفي كل حاجة وهتقدري تزوريها في أي وقت بس المكان لازم يكون محمي
بسمة بصت له وقالت
أنا مش عايزة أبقى مدينة لك
عاصم رد
إنت مش مدينة لي بحاجة
قالت
كل مرة تساعدني فيها بحس إنك بتقربني من عالم أنا مش عايزة أعيش فيه
عاصم سكت للحظة وبعدين قال
وأنا مش عايزك تعيشي فيه أصلاً
كانت الجملة مختلفة عن كل اللي سمعته منه قبل كده
بصت له باستغراب
قال
أنا هجيب لك الحقيقة لكن مش هطلب منك تدخلي شغلي ولا تبقي جزء من رجالي إنت جاية عشان أخوكي وده حقك
بسمة قعدت تاني وهي بتحاول تستوعب كلامه
في آخر الليل دخل عاصم مكتبه وطلب من خبير مستقل يراجع الدفتر والأختام والتوقيعات
وبعد ساعات رجع الخبير بتقرير أولي
كل المستندات أصلية
والتوقيعات اللي عليها اسم فؤاد السيوفي صحيحة
لكن توقيع خالد الموجود في الصفحة الأخيرة كان مختلفاً عن توقيعه في سجلات الشركة
عاصم قعد ساكت وهو بيقرا التقرير
يعني ممكن حد يكون حط اسم خالد عشان يوقعهم في بعض
أو ممكن خالد يكون بيستخدم توقيع مختلف في المعاملات السرية
ما كانش عنده دليل كافي
طلب من الخبير يراجع كل التحويلات المالية القديمة
وبعدين فتح درج المكتب الخشبي اللي كان مقفول من سنتين
طلع التقرير اللي كتبه قبل الدــ,,ـــــادث وحطه جنب دفتر محمود
التقرير القديم كان فيه ملاحظة بخط إيده
اجتماع عاجل مع فؤاد وخالد وشريف لمراجعة المخزون
التاريخ كان نفس تاريخ محاولة اغتياله
وفجأة افتكر حاجة
الاجتماع ده ما كانش المفروض يحصل في المخزن القديم
كان المفروض يحصل في قاعة اجتماعات الشركة في القاهرة
لكن قبلها بساعات فؤاد اتصل به وقال له إن في مشكلة طارئة وإنهم لازم يقابلوا بعض في مكان تاني بعيد عن الموظفين
عاصم وافق وراح المخزن
وهناك اتضــ,,ـــــرب بالنــ,,ـــــار
رفع التليفون واتصل بخالد
رد خالد بعد رنتين
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.