عاصم لف ناحية الباب
خالد خرج يشوف مين اللي وصل
بسمة كانت ماسكة إيد أمها وفجأة عفاف شدت عليها بقوة وقالت
اسمعيني يا بنتي كويس لو حصل لي حاجة ما تسلميش الميدالية لأي حد ولو حد سألك عن المفتاح قولي له إنك ما تعرفيش حاجة
بسمة عينيها اتسعت
أي مفتاح يا أمي
لكن قبل ما عفاف ترد الباب اتفتح ودخل خالد ووشه متوتر
قال
يا باشا لازم نمشي حالاً
عاصم سأله
ليه
خالد رد
في عربيتين واقفين عند البوابة ورجالة بيصوروا المكان
عاصم بص لعفاف
إنت متأكدة إنك ما قلتيش لحد إننا جايين
عفاف هزت راسها بسرعة
والله ما قلت لحد
عاصم طلب من خالد ينادي الحراسة ويتأكدوا من الطريق قبل ما يتحركوا
بسمة كانت لسه مش قادرة تستوعب اللي سمعته
أمها تعرف قاتل عاصم
وأخوها كان بيحاول يكشف شبكة فساد
وفي مفتاح محدش عارف مكانه
والأغرب إن في ناس عرفت إنهم جايين قبل ما يوصلوا
قبل ما يخرجوا عفاف شدت إيد بسمة وقالت بصوت واطي
لو عايزة تعرفي الحقيقة كاملة دوري على المكان اللي محمود كان بيخبّي فيه لعبه وهو صغير
بسمة سألتها
إنت تقصدي بيتنا القديم
عفاف أومأت
بسمة حسّت إن قلبها وقف للحظة
بيتهم القديم اتقفل من يوم مــ,,ـــــوت محمود واتنقلت هي وأمها بعد ما صاحب البيت طلب منهم الإيجار المتأخر
لو في حاجة مستخبية هناك فهي موجودة من سنتين محدش يعرف عنها
خرجوا من دار الرعاية بسرعة وركبوا العربية
عاصم كان ساكت طول الطريق وخالد بيتكلم في التليفون مع الحراس
بسمة كانت بتبص للصورة كل شوية ولما وصلت عينيها لخالد شافت حاجة غريبة
كان بيتجنب يبص للصورة تماماً
سألته فجأة
إنت كنت تعرف أخويا
خالد لف لها وقال
كنت أعرفه بالاسم
قالت
بس إنت كنت واقف معاه في الصورة
خالد بص للصورة بسرعة وبعدين رجعها لها
الصورة دي من اجتماعات الشركة القديمة
بسمة سألت
وكنت تعرف إنه كان بيكشف سرقة الشحنات
خالد ما ردش على طول
عاصم لاحظ التأخير وقال
جاوبها يا خالد
خالد اتنهد وقال
كنت عارف إن فيه مشكلة في المخزن لكن ما كنتش أعرف إن محمود عنده أدلة
بسمة قالت
ولما مات ما دورتش وراه
خالد شد على فكه
دورنا يا بنتي لكن كل حاجة كانت بتتقفل في وشنا
بسمة ردت بمرارة
يمكن لأن اللي بيقفل الأبواب كان واقف جنبك طول الوقت
خالد بص لها بغضب لكنه ما ردش
عاصم قال بصرامة
كفاية لحد هنا
وصلوا القصر مع غروب الشمس
عاصم طلب من خالد يراجع سجلات دخول وخروج الحراس في يوم الدــ,,ـــــادث وبعدين طلب من بسمة تروح ترتاح
لكنها وقفت قدام المكتب وقالت
أنا رايحة البيت القديم
عاصم رفع عينيه
مش لوحدك
قالت
أنا أعرف المكان أكتر من أي حد
رد
وده بالضبط اللي ممكن يخليهم يراقبوكي
بسمة قالت
لو الحاجة اللي أمي بتتكلم عنها موجودة هناك يبقى لازم أوصل لها
عاصم سكت لحظة وبعدين قال
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.