ما قدرش يقف لوحده لكنه نجح في التمرين اللي كان رافض يجربه من أسابيع
الدكتور ابتسم وقال
تقدم كويس يا عاصم بيه
عاصم كان بيتنفس بصعوبة وعرقانه لكنه ابتسم
يعني لسه في أمل
الدكتور رد
في أمل إنك تتحسن وتعيش بشكل أفضل لكن لازم تصبر وما تحكمش على نفسك من يوم واحد
بعد ما الدكتور خرج دخلت بسمة وهي شايلة كوب شاي
حطته على الطاولة وقالت
سمعت إنك أخيراً سمعت كلام الدكتور
عاصم رفع حاجبه
إنت بتتجسسي عليا
ضحكت
لا يا بيه مدام نادية هي اللي قالت لي
قال
مدام نادية بقت بتبلغك بكل حاجة
ردت
عشان هي عارفة إني مش هزعق لك زي ما هي بتعمل
ابتسم عاصم
قعدت بسمة على الكرسي المقابل وقالت
أمي بتسلم عليك
عاصم سأل
عاملة إيه
قالت
أحسن الحمد لله والدكتور قال إن حالتها مستقرة وإنها تقدر ترجع البيت بشكل كامل بعد ما نخلص تجهيزات بسيطة
عاصم قال
كويس
بسمة بصت له وقالت
أنا كمان عايزة أقولك حاجة
عاصم استقام في جلسته
قولي
قالت
أنا قررت أسيب الشغل في القصر
الصمت نزل على المكان فجأة
عاصم بص لها من غير ما يتكلم لثواني
وبعدين قال
ليه
بسمة ردت بهدوء
عشان أمي محتاجاني وعشان لقيت شغل في مكتب محاسبة صغير هبدأ أتعلم فيه وأكمل تعليمي اللي وقفته من سنين
عاصم سأل
وإنت مبسوطة بالقرار ده
ابتسمت
خايفة بس مبسوطة
عاصم نزل عينيه للحظة
وبعدين قال
أنا مش همنعك
بسمة كانت متوقعة إنه يعترض لكنه وافق بسهولة
قالت
أنا كنت خايفة تزعل
عاصم رد
هزعل إني مش هشوفك كل ليلة وإنت بتتنقلي بين الأوض عشان تنظفيها لكن مش هزعل إنك بتختاري حياتك
بسمة ابتسمت وقالت
أنا هفضل أزورك لو تحب
عاصم رفع عينيه لها
تحبي تيجي تزوريني
قالت
أيوه بس مش عشان الشغل ولا عشان الفلوس
عاصم ابتسم
يبقى هكون مستنيكي
في آخر يوم شغل ليها دخلت بسمة المكتب وهي ماسكة شنطتها القماش القديمة
كانت عايزة تودع مدام نادية والعمال قبل ما تمشي
عاصم كان مستنيها جنب الشباك
قال لها
قبل ما تمشي عندي حاجة ليكي
طلع ظرف أبيض وحطه على المكتب
بسمة بصت له بحذر
إيه ده
قال
افتحيه
فتحت الظرف ولقت شهادة مكتوبة فيها تفاصيل المبلغ اللي تم تخصيصه لصندوق مستقل لعلاج عفاف إبراهيم وتأهيلها ومصاريفها الأساسية لمدة سنة كاملة من غير أي التزام على بسمة أو طلب مقابل منها
بسمة رفعت عينيها بسرعة
عاصم أنا قلت لك إني مش عايزة فلوس
قال
ودي مش فلوس ليكي دي مصاريف علاج أمك في صندوق مستقل والمحامي مسؤول عنه ومفيش حد يقدر يستخدمه عشان يضغط عليكي
قالت
بس ليه
عاصم رد
لأن أمك دفعت تمن خوف ناس كتير ولأن أخوكي كان موظف في شركتي واتظلــ,,ـــــم ولأنك اشتغلتي هنا وأنت مش مطالبة تدفعي تمن غلطاتنا
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.