وأنا كنت معتبرك أخويا يا عاصم لكني ضعفت وخفت
عاصم رد
الخوف مش عذر إنك تسلم الناس اللي بتحبك
خالد سكت
عاصم أشار للحراس
خدوه وخلوه بعيد عن أي ملفات أو تليفونات لحد ما نرجع القصر
خالد ما قاومش
وقبل ما يتحرك بص لعاصم وقال
في حاجة لازم تعرفها فؤاد مش هيروح الشركة القديمة الليلة دي هو عارف إنك هتدور على الخزنة وهيحاول يسبقك
عاصم سأله
هو فين
خالد رد
في دار الرعاية
بسمة اتجمدت مكانها
دار الرعاية اللي فيها أمها
عاصم صرخ
اتصلوا بالمكان حالاً
لكن التليفونات كانت بتدي خارج نطاق الخدمة
بسمة حسّت إن رجليها مش شايلينها
همست
أمي هناك لوحدها
عاصم بص لها وقال
هنوصل لها
تحركوا بسرعة ناحية دار الرعاية لكن الطريق كان أطول من أي وقت فات
بسمة كانت بتتصل بكل رقم عندها ومفيش حد بيرد
لما وصلوا لقوا البوابة مفتوحة والموظفين واقفين في الصالة بملامح مرعوبة
بسمة جريت ناحية أوضة أمها
السر,,ـــــير كان فاضي
والشباك مفتوح
وعلى الأرض كانت واقعة الميدالية القديمة اللي كانت عفاف محتفظة بيها
بسمة وقعت على ركبتها وصرخت
أمي
عاصم قرب منها وقال
بسمة بصي لي
لكنها ما كانتش سامعاه
كانت بتدور بعينيها في كل ركن وهي بتنادي أمها
مدير الدار قرب وقال
في راجلين جم من حوالي نص ساعة وقالوا إنهم تبع مستشفى خاص وإنهم جايين ينقلوا مدام عفاف عشان حالتها اتدهورت وكان معاهم ورق مختوم
بسمة صرخت
وإنتوا سبتوهم ياخدوها من غير ما تتصلوا بيا
المدير قال
الورق كان رسمي يا بنتي وإحنا ما كناش نعرف
عاصم مسك الورق من إيده وراجعه بسرعة
الختم مزور
رفع عينيه وقال
هاتوا تسجيلات الكاميرات فوراً
بعد دقائق ظهرت عربية سوداء في التسجيل وهي بتخرج من البوابة
اللوحة كانت مغطاة جزئياً لكن شريف عرف شكل العربية
قال
دي عربية تابعة لشركة فؤاد
بسمة مسكت الميدالية اللي وقعت على الأرض وقالت بصوت مبحوح
هو خد أمي عشان المفتاح
عاصم رد
مش هيسيبها تأذى
بصت له بعيون مليانة دموع
إنت وعدتني إنك هتحميها
الجملة وجعته أكتر من أي اتهام
قال
وهفضل أحاول لحد ما أرجعها لك
رجعوا القصر وبدأ شريف يشرح لهم مكان الخزنة القديمة في شركة فؤاد
قال إن الخزنة مش تحت المكتب مباشرة لكنها موجودة في غرفة أرشيف خلف الحائط الخشبي وإن المفتاح النحاسي اللي مع بسمة بيفتح القفل الخارجي فقط أما القفل الداخلي فلازم له رقم محفور على الميدالية
بسمة قلبت الميدالية وبدأت تفحصها تحت ضوء المكتب
كانت العلامة القديمة في المنتصف لكن على الحافة في أرقام صغيرة بالكاد باينة
أربعة أرقام
تاريخ ميلاد محمود
بسمة همست
أخويا كان عارف إن المفتاح هيوصل لي
شريف أومأ
هو اختار الرقم لأنه كان متأكد إنك الوحيدة اللي هتفتكريه
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.