رسالة من رقم مجهول مكتوب فيها
لو عايزة تعرفي مين السبب في مــ,,ـــــوت أخوكي ادخلي قصر عاصم الجارحي واشتغلي هناك وما تثقيش في حد
كانت بتقرا الرسالة للمرة المية وهي مش عارفة مين بعتها ولا إزاي صاحب الرقم عرف إنها محتاجة شغل
في البداية افتكرت إنها محاولة نصب لكن بعد ما لقت اسم عاصم الجارحي في الأخبار القديمة وعرفت إنه كان صاحب الشركة اللي اشتغل فيها أخوها قررت تقدم على الشغل من غير ما تقول لحد
هي ما كانتش جاية عشان الفلوس بس
كانت جاية عشان تعرف الحقيقة
لكنها ما كانتش تعرف إن الراجل اللي اتسببت إصابته في تدمير حياتها هو نفسه الراجل الوحيد اللي ممكن يكشف لها مين . أخوها
رجعت بسمة البيت الصغير اللي كانت مأجراه في آخر شارع جانبي في كفر الشيخ بعد ما خلصت شغلها في القصر في الليلة دي
كان البيت عبارة عن أوضة وصالة صغيرة ومطبخ بالكاد يسع شخصين لكنها كانت بتحاول تخليه نضيف عشان أمها لما كانت بتزور المكان تحس إنها في بيتها مش في مكان مؤقت
دخلت وقفلت الباب وخلعت الجزمة المهترية وقعدت على طرف السر,,ـــــير
طلعت صورة قديمة من درج الكومودينو
صورة ليها مع أخوها محمود يوم ما استلم شغله في شركة الشحن
كان واقف جنبها مبتسم وحاطط إيده على كتفها وقال لها يومها
أول مرتب ليا هجيب لك موبايل جديد وهخليكي تبطلي تلفي بالموبايل القديم ده
ضحكت وقتها وقالت له
هات فلوس أحسن عشان أمي محتاجة علاج
رد عليها
هجيب الاتنين يا ستي ما تقلقيش
وبعدها بأسبوعين اختفى محمود من الشغل واتصل بيها من رقم غريب وقال لها إنه مسافر يومين ومش عايزها تقلق
وبعدها بيومين وصلها خبر مــ,,ـــــوته
قالوا دــ,,ـــــادث عربية
لكنها لما راحت تتعرف على جثمانه ما سمحوش لها تشوفه كويس وقالوا إن الإصابات شديدة وإن الدفــ,,ـــــن لازم يتم بسرعة
وأمها من يومها وهي بتقول إن محمود ما ماتش بالطريقة اللي الناس حكتها
بسمة مسحت دمعة نزلت على خدها وفتحت الرسالة المجهولة تاني
كتبت
أنا دخلت القصر وعايزة أعرف الخطوة الجاية
بعتت الرسالة واستنت
مرت دقيقة واتنين وعشرة
وبعدين ظهر رد من نفس الرقم
ما تفتحيش درج المكتب الخشبي تحت أي ظرف قبل ما تعرفي مين اللي كان موجود ليلة إصابة عاصم
بسمة قامت من مكانها وهي حاسة إن قلبها هيخرج من صدـ,,ـــرها
هي ما قالتش لأي حد إنها بدأت تشتغل في مكتب عاصم ولا إن شغلها بيوصلها أحياناً لجناحه الخاص
مين الشخص اللي بيراقبها
ومين اللي عارف كل خطوة بتعملها
وفي نفس اللحظة تقريباً كان عاصم قاعد في مكتبه بيبص على نفس الدرج الخشبي اللي الرسالة حذرت بسمة منه
درج قديم كان مقفول من يوم إصابته والمفتاح الوحيد معاه
ما كانش بيفتحه لأنه كان بيحتوي على نسخة من تقرير داخلي كتبه بنفسه قبل الدــ,,ـــــادث بيوم
تقرير كان فيه أسماء تلاتة أشخاص اكتشف إن واحد منهم بيسرق من الشركة
واحد مات
واحد اختفى
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.