شريف اتجمد
بسمة هنا
عاصم صرخ
خالد
لكن ما جاش رد
في نفس اللحظة كانت بسمة جوه العربية وبتسمع أصوات حركة حواليها
الحارس اللي واقف جنب الباب اختفى من مكانه
وبعدين ظهر راجل فتح باب العربية من الناحية التانية وقال
انزلي بسرعة
بسمة رجعت لورا
إنت مين
قال
أنا من رجالة عاصم
بسمة بصت لملابسه ولاحظت إنه مش لابس العلامة الخاصة بحراس القصر
قالت
وريني بطاقتك
الراجل مد إيده ناحية الباب بعنــ,,ـــــف
قلت لك انزلي
بسمة صرخت وقفلت الباب بالمفتاح
الراجل ضــ,,ـــــرب الزجاج بإيده وقال
افتحي يا بنت
بسمة طلعت التليفون واتصلت بعاصم
لكن الخط ما كانش بيرد
الراجل بدأ يحاول يفتح الباب من الخارج
بسمة بصت حوالين نفسها وشافت زرار الطوارئ في لوحة العربية وضغطت عليه
في نفس اللحظة اشتغل إنذار عالي وظهرت أضواء التحذير
الراجل اتفاجئ ورجع خطوتين
بسمة استغلت الفرصة وفتحت باب الناحية التانية ونزلت وجريت ناحية بوابة جانبية كانت مفتوحة
لكنها ما كانتش بتجري بعيد عن الخطر
كانت بتجري ناحية المبنى اللي عاصم جواه
دخلت من الباب الجانبي وسمعت صوت شريف بينادي
من هنا يا بسمة
وصلت لهم وهي بتنهج
عاصم أول ما شافها انفجر فيها
إنت إزاي نزلتي من العربية
بسمة ردت وهي بتلهث
كان في حد بيحاول يخطفني
عاصم سكت للحظة وبعدها قال للحارس
خدها واطلعوا من الطريق الخلفي
بسمة رفضت
مش همشي من غيرك
عاصم صرخ
بسمة دي مش مناقشة
قالت وهي بتبص له بعينين مليانين خوف وغضب
أنا مش هسيبك هنا بعد ما عرفت إن أخويا مات عشان نفس الناس اللي بتحاول ت. ك
شريف قرب منهم وقال
كفاية لازم نتــ,,ـــــحرك دلوقتي
قادهم شريف لممر ضيق خلف المخزن كان بينتهي بباب حديدي صغير
خرجوا منه إلى ساحة خلفية فيها عربيتان
خالد كان واقف جنب واحدة منهم ووشه عليه جرح واضح
عاصم أول ما شافه قال
إنت كنت فين
خالد رد وهو بيفتح الباب
كنت بحاول أوقف الرجالة اللي دخلوا من البوابة الرئيسية
عاصم بص له بغضب
والراجل اللي كان بيحاول ياخد بسمة
خالد قال
واحد من رجالة فؤاد دخل مع المجموعة
عاصم رد
إزاي عرفوا مكاننا
خالد ما ردش
عاصم قرب منه بكرسيه وقال
إزاي عرفوا مكاننا يا خالد
خالد نزل عينيه وقال
أنا اللي بعت الرسالة
بسمة شهقت
عاصم ما اتحركش
قال بهدوء
أنهي رسالة
خالد رفع عينيه بصعوبة
الرسالة اللي وصلت لفؤاد إنك هتكون هنا الليلة
عاصم فضل باصص له
ليه
خالد قال بصوت مكسور
لأنه كان ماسك عليا ملفات قديمة لو خرجت للنور كنت هضيع أنا وأهلي كلهم
عاصم رد
فبعت له مكاني
خالد هز راسه
كنت فاكر إنه هيبعت ناس تخوفك وتاخد شريف بس أنا ما كنتش أعرف إنهم هيحاولوا ي. وا بسمة
بسمة بصت له بصدمة
وكنت هتعمل إيه لو ماتت
خالد ما قدرش يرد
عاصم قال
أنا كنت معتبرك أخويا
خالد رفع عينيه والدموع بدأت تظهر فيها
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.